Tinan Ida Tan Hetan Susesu ba RHTO – Ami Nia Relatoriu Anuál Rezumu
**Note: You can also read this story in English on RHTO’s Blog.
Fulan Jullu mak tempu husi kada tinan bainhira RHTO okpadu hodi kompleta hakerek relatoriu anuál no halo audit ba tinan finansial mak foin lalais remata ne’e ona. Ami haree ba kotuk ba periodu Jullu 2014 to’o Juñu 2015, no hanoin konabá saida mak di’ak, no saida mak ami bele mellora iha futuru. Iha Blog Post ne’e, ami hakarak fahe saida ma kami hetan. Ita boot sira bele lee Relatoriu Anuál tomak iha ne’e.
Saida mak ami hala’o
Ami ajuda ema ho defisiénsia atu ba eskola no hetan treinamentu. Ami hasa’e asesibilidade eskola 17 iha Timor-Leste nia laran, liu husi monta rampa, handrail, halo odamatan luan no hari’i sentina asesible.
Ami fó suporta ba ema ho defisiénsia no sira nia familia, hodi hahu’u ka haluan sira nia negosiu kiik, no hasae sira nia reseita no independensia. Agora, RHTO suporta grupu tulun an-rasik 17, liu husi treinamentu no fó empresta osan mikrofinansas.
Ami suporta ema ho defisiénsia atu asesu diak liu ba bee no sanaementu. Ami ajuda monta sentina no torneira ne’ebé asesible iha fatin publiku 7 (hanesan Sede Suco) no iha uma 19 ne’ebé ema ho defisiénsia hela.
No, RHTO kontinua hametin konsiensia konabá defisiénsia ba parseriu dezenvolvementu sira no reprezentante governu sira. Ami nia ofisial treinador provida ona treinamentu ba partisipante sira hamatuk 289. Ne’e atu ajuda asegura katak la’os deit organizasaun ne'ebé foka ba defisiénsia konsidera no inklui ema ho defisiénsia sira, fali ajensia sira hotu ne’ebé involve iha dezenvolvementu tenki tau atensaun ba defisiénsia.
Foto: RHTO nia estaf sira ho Misaun Lepra Australia nia estaf sira.
Saida mak ami aprende
Iha relatoriu periodu 2014-2015, RHTO halo servisu atu hametin ami nia prosesu relatoriu, halibur dadus, no monitoriza ba aktividade. Liu husi prosesu sira ne’e, ami tau matan aktivu ba atividade, hodi asegura katak ami provida suporta ba membru sira uza aprozimasaun ne’ebé efetivu no klaru. Purezemplu, bainhira ami halo referál ema ho defisiénsia ida ba centro nasionál rehabilitasaun atu simu kadeira rodu hodi hasa’e sira nia movimentu no independensia, ami mós halo asesmentu asesibilidade iha sira nia uma no eskola, hodi asegura katak membru ida ne’e bele uza no hetan benefisiu boot hosi kadeira roda sira simu. Se ami halo referál deit maibe la hanoin konabá membru nia livru hotu, ne’e sei la fó rezultadu ne’ebe diak.
Saida mak ami hakarak halo diak liu tan tinan oin mai
RHTO hakarak halo diak liu tan ami nia suporta ba grupu tulun an-rasik atu hasa’e sira nia kapasidade konabá jere/maneje negosiu, no governasaun grupu. Tinan oin mai, ami sei hakarak suporta oportunidade ba pares aprendizajen, nune’e membrus grupu ne’ebé mak susesu ona, bele vizita no koalia ba membru grupu sira iha fatin diferente ida ne’e hanesan buat foun ou seidauk estabelese nia prosesu.
RHTO mós hakarak halo ligasaun klean liu ho reprezentante relijiaun ka igreja sira iha Timor-Leste. Ami rekoñese lideransa igreja sira iha papél importante iha komunidade, inklui informa komunidade nia opinaun no fo dalan, no dezamina informasaun ba membru komunidade. Ami hakarak servisu diak liu hamatuk reprezantante igreja no organizasaun relijiaun sira iha futuru.
Ami nia projetu, ne’ebé simu suporta hosi Misaun Lepra Australia no Governu Australia nia programa ajuda nasaun seluk, sei falta tinan ida tan. RHTO iha konfidensia katak ami nia Ofisias ne’ebé agora servisu hamatuk ho organizasaun tinan barak ona, iha kapasidade sufisiente atu implementa projetu iha tinan ikus no atinji tarjetu no objetivu ami halo uluk. Iha tinan oin mai, RHTO hakarak fó diak liu informasaun konabá ami nia progresu ba parseiru sira. Entaun, favor ida vizita ami nia Blog no kontaktu ami ho ita boot sira nia komentariu no ideia sira.
